नेपालगन्ज : स्थानीय तहको निर्वाचनमा नेपालगन्ज उपमहानगरपालिका वडा नं ४ मा नेपाल कम्युनिस्ट पार्टी माओवादी केन्द्रका वडा अध्यक्ष पदका उम्मेदवार गोपाल पुनको जीत भएको छ ।
सो वडाको क्षेत्र अघिल्लो स्थानीय चुनाबमा राप्रपाले जित हासिल गरेको थियोे । तर यस पटकको चुनावमा राम्रो छबि भएका पुनलाई जनताको साथ रहेको देखियो । उहाँले अघिल्लो स्थानीय चुनावमा हार्नु भएको थियो । हार पश्चात् पनि निरन्तर जनताको सुखदुःखमा साथ दिएका पुनलाई पार्टीको कटिबद्ध मत भन्दा पनि थप मत मिलेको स्थानीय बताउँछन् ।
उहालाई त्यहाका जनताले विकास गर्न सक्ने व्यक्तिका रुपमा हेरेर मत दिएको प्रतिक्रिया आउन थालेको छ । हामीहरुले यसपटक पार्टी हेरेनौं विकास गर्नसक्ने व्यक्ति हेरेका छौं उहाँको काम हेर्न बाकी रहेको स्थानीय बासीको भनाइ छ ।