संवाददाता, नेपालगंज।
नेकपा माओवादी केन्द्रबाट नेपालगंज उपमहानगरपालिकाको नगरप्रमुखको दाबी गरिरहनुभएका नन्दलाल बैष्य राष्ट्रिय प्रजातन्त्र पार्टी (राप्रपा) मा प्रवेश गर्नुभएको छ ।
उहाँलाई राप्रपाका महामन्त्री डाक्टर धवल शम्शेर राणा, सहायक महामन्त्री ऋषिराज देवकोटा लगायतले आज पार्टीमा स्वागत गर्नुभएको हो ।
राजेन्द्र लिङदेन नेतृत्वको राप्रपामा नन्दलाल बैष्यको प्रवेशलाई विशेष चासोका साथ हेरिएको छ । ब्यवासायिक पृष्ठभूमिका नन्दलाल बैष्य नेकपा माओवादी केन्द्रको नेपालगंज नगरसमितिमा पनि रहनुभएको थियो ।
#नन्दलाल_बैष्य #नेपालगंज
