संवाददाता, नेपालगंज।
बाँकेको राँझा चोकमा टिप्परको ठक्करबाट एक वृद्धको मृत्यु भएको छ । आज बिहान करिव साढे आठ बजेतिर नेपालगञ्ज उपमहानगरपालिका वडा नम्बर २०, राँझा चोकमा भे १ क ६५७ नम्बरको टिप्परले ठक्कर दिँदा ७० वर्षीय वीरबली भण्डारीको मृत्यु भएको हो ।
मृतक भण्डारी हुम्ला खार्पुनाथ गाउँपालिका ५ घर भई हाल राँझामा बस्दै आउनुभएको थियो । जिल्ला प्रहरी कार्यालय बाँकेका अनुसार ठक्कर दिने टिप्परसहित बारबर्दिया नगरपालिका जयनगरका ४५ बर्षिय टिप्पर चालक मक्कु थारुलाई नियन्त्रणमा लिईसकिएको छ ।
पीडितका आफन्तले उचित क्षतिपूर्तिका साथै ठक्कर दिने टिप्पर चालकलाई कारबाहीको माग गर्दे विरोध जनाएका छन ।
#टिप्पर #नेपालगञ्ज
