संवाददाता, नेपालगंज।
बाँके प्रहरीले अटोमेटिक पेस्तोल सहित ३ जनालाई पक्राउ गरेको छ ।
इलाका प्रहरी कार्यालय बनकट्टी (क) बाट खटि गएको प्रहरी टोलीले डुडुवा गाउँपालिका ४ स्थित राप्ती पुल नजिकबाट वागमति प्रदेश ०१–०२५ च ३०९७ नम्बरको गाडीमा सवार ३ जना ब्यक्तिहरुको साथबाट लुकाई राखिएको हातहतियार सहित पक्राउ गर्न सफल भएको हो ।
पक्राउ पर्नेमा नेपालगंज १२ का २८ बर्षिय दिपेन्द्र अधिकारी, नेपालगंज १८ का २२ बर्षिय सुशान्त केसी, लम्कीचुहा नगरपालिका ३ कैलालीका ३२ बर्षिय द्धारीका उपाध्याय रहेका छन ।
पक्राउ परेका ब्यक्तिहरुमाथि अब मुलुकी फौजदारी संहिता २०७४ को परिच्छेद ६ को दफा १३० को उपदफा २ बमोजिम ७ बर्ष कैद, र ७० हजार रुपैंया सम्म जरिवाना हुन सक्ने जिल्ला प्रहरी कार्यालय बाँकेले जनाएको छ ।
पक्राउ परेका दिपेन्द्र अधिकारी यसअघि पनि थ्रुपै घटनामा संमलग्न भएको आरोपमा पक्राउ परी धरौटीमा छुटेका ब्यक्ति भएको प्रहरीको भनाई छ ।
- बाँके प्रहरी द्धारा जारी प्रेस बिज्ञप्ती
