गुडन्यूज सहकर्मी
बाँके, नेपालगन्ज । नेपालमा कोरोना भाइरस सङ्क्रमण पुष्टि हुनेको सङ्ख्या सात लाख ६२ हजार चार सय ३२ पुगेको छ ।
संक्रमित मध्ये ६ लाख ५८ हजार एक सय २२ जना कोरोना सङ्क्रमणमुक्त भएका छन् भने कोरोनाबाट ज्यान गुमाउनेको सङ्ख्या नौ हजार आठ सय ९८ पुगेको स्वास्य तथा जनसंख्या मन्त्रालयले जनाएको छ ।
अहिले नेपालमा ३१ हजार ६ सय २९ जना कोरोनाका सक्रिय सङ्क्रमित छन् ।
नेपालमा हिजोमात्रै तीन हजार एक सय २५ जनामा कोरोना सङ्क्रमण पुष्टि हुँदा एक हजार नौ सय २५ जना निको भए भने २३ जनाको कोरोना सङ्क्रमणका कारण ज्यान गएको मन्त्रालयले जनाएको छ ।
यस्तै नेपालमा अहिलेसम्म २० लाख दुई सय ११ जनाले दुइ वटै मात्रा र ४१ लाख ६३ हजार दुई सय ५१ जनाले पहिलो मात्रा खोप लगाएका छन् ।
