समीर अली बेहना, नेपालगन्ज ।
दरगारे आला हजरतबाट खटिएको प्रतिनिधि मण्डलले मानवता जोगाउन सूफीनिज्मको आवस्यकता रहेको बताएको छ । भारतको उत्तर प्रदेशमा रहेको बरैली शरीफ दरगाहे आला हजरतद्वारा नेपाली नागरिकहरुलाई राहत सामाग्री वितरण गर्न आएको टोलिले मानवताको सन्देश दिएको छ ।
आज नेपालगञ्ज उपमहानगरपालिका वडा नम्बर ४ मा रहेको मदिना नूरी मस्जिदमा लकडाउनबाट प्रभावित गरीब असाहाय र पीडित परिवारलाई अरगाहे आला हजरतद्वारा राहत सामाग्री वितरण गरिएको मुस्लिम समाजले बताएको छ ।
दरगाहे आला हजरतका प्रमुख सुबहानी मियाँले राहत वितरण गर्न पठाएको टोलिले १३ मार्चमा नेपालको अधिकांश क्षेत्रहरूमा करीब २०० भन्दा बढी मदरसा र मस्जिदहरुको अवलोकन गरि गरीब र आसहायहरुको अवस्था बारे एक रिपोर्ट पेश गरेको जनाईएको छ ।
जुन रिपोर्टको आधारमा दरगाहे आला हजरतबाट राहत सामाग्री वितरण गर्न एउटा प्रतिनिधि मण्डल पठाइएको हो । प्रतिनिधि मण्डलद्वारा बाँके जिल्लाको नगरपालिका र गाउँ पालिका गरि सय जना पीडितहरुलाई राहत बाडिएको मस्जिदका एक अगुवाले जानकारी दिनुभयो ।
राहत सामाग्रीमा ५ किलो चामल, ५ किलो पिठो, १ किलो चिनि, १ किलो नुन, १ किलो मसुराको दाल र १ लिटर तेल रहेको छ । सो कार्यक्रममा नेपाल वल्मा काउन्सिलका नायव संयोजक मौलाना नसिरुद्दीन अन्सारी , कारी अब्दुल कैयूम, कारी अजमत लगायत जिल्लाका अधिकांश वल्मा र मुस्लिम समुदायका अग्रजहरुको उपस्तिथि रहेको थियो ।
