सबै राज्यमा स्वास्थ्य मापदण्ड पालना गर्न बाइडेनको अपिल

  ।   २०७७ चैत्र १७, मंगलवार ०७:०३
unn.prixa.net

काठमाण्डाै | अमेरिकाका राष्ट्रपति जो बाइडेनले सबै राज्य र सहरहरुमा मास्क लगाउन प्रोत्साहित गर्न गभर्नर एवम् मेयरहरुलाई अपिल गर्नुभएको छ ।

काेरोना महामारीबारे भएको पत्रकार सम्मेलनमा उहाँले महामारी पूर्णरुपमा उन्मूलन भइनसकेकोले अनिवार्य मास्क लगाउन आवश्यक रहेको र त्यसका लागि प्रोत्साहित गर्न आग्रह गर्नुभएको हो ।

मानिसहरुकाे लापरबाहीका कारण कोरोना सङ्क्रमणको दर बढ्दो क्रममा रहेको भन्दै उहाँले सबैले स्वास्थ्य मापदण्ड अनिवार्य पालना गर्नसमेत आग्रह गर्नुभएको छ ।

आफूले कार्यभार सम्हालेपछि सङ्क्रमणदर दुई तिहाई घटाउन सफल भएको भन्दै उहाँले अहिले पनि लापरबाही गर्न नहुने बताउनुभयो । सरकारले कोरोनाविरुद्धको खोप सबैभन्दा धेरै व्यक्तिलाई लगाउने प्रयास गरिरहेको भन्दै उहाँले आम नागरिकले पनि मास्क लगाउनेजस्ता स्वास्थ्यका मापदण्ड अनिवार्य पालना गर्नुपर्ने बताउनुभयो ।

अमेरिकामा अहिलेसम्म ३ करोड १० लाख २८ हजारलाई कोरोना सङ्क्रमण भइसकेको छ भने ५ लाख ६३ हजार १ सय ६८ जनाको ज्यान गइसकेको छ ।

Leave a Reply

Your email address will not be published. Required fields are marked *

Next Post

‘मौसममा तत्काल सुधार हुने देखिँदैन, सावधानी अपनाउनुस्’

२०७७ चैत्र १७, मंगलवार ०७:०३
काठमाडौं । जल तथा मौसम विभागले आगामी तीन दिनसम्म नै वायुमण्डल स्थिर अवस्थामा रहिरहने भएकाले तुवाँलोको यस विषम मौसमी अवस्थामा तत्काल सुधार हुने नदेखिएको जनाएको छ। मनसुनपूर्वको सोमबारसम्म पनि ज्यादै न्यून वर्षा भई वायुमण्डल सुक्खा भइरहेको अवस्थामा देशका विभिन्न ठाउँमा तुवाँलो लाग्नु सामान्य भए पनि यही चैत १३ गतेदेखि देशका […]