नेपालगन्ज । मुलुकभर १२९ जना कोरोना संक्रमित आईसीयूमा तथा ७ जना भेन्टिलेटरमा उपचाररत रहेको स्वास्थ्य तथा जनसंख्या मन्त्रालयले जनाएको छ ।
कोभिड १९ बारे जानकारी दिँदै स्वास्थ्य मन्त्रालयका प्रवक्ता डा जागेश्वर गौतम । फाइल तस्बिर ।
बिहीबार आयोजित नियमित कोभिड १९ प्रेस ब्रिफिङमा प्रवक्ता डा जागेश्वर गौतमले उक्त जानकारी दिनुभएको हो । उहाँका अनुसार वाग्मती प्रदेशमा सबैभन्दा बढी ५४ जना आईसीयूमा उपचाररत छन् भने त्यसपछि प्रदेश नम्बर २ मा ४६ जना छन् ।
यस्तै प्रदेश नम्बर ५ मा १२ जना र गण्डकी प्रदेशमा ६ आईसीयूमा रहेको प्रवक्ता गौतमले बताउनुभयो । कर्णाली र सुदूरपश्चिम प्रदेशमा भने आईसीयू र भेन्टिलेटरमा बिहीबारसम्म कुनै बिरामी नरहेको उहाँले बताउनुभयो ।
वाग्मती प्रदेशमा ७ जना भने भेन्टिलेटरमा उपचाररत छन् ।
आईसीयूमा उपचाररत प्रदेशगत विवरण
प्रदेश १ – ११
प्रदेश २ – ४६
वाग्मती प्रदेश – ५४
गण्डकी प्रदेश – ६
प्रदेश ५ – १२
भेन्टिलेटरमा उपचाररत
वाग्मती प्रदेश – ७
