संवाददाता, नेपालगंज ।
बाँकेको नेपालगंज स्थित सुर्खेत रोड र सगैं जोडिएका चोक सडकमा जडित सौर्य बत्ति (सोलार) बिग्रीएको लामो समय बितेको छ । तर पनि कतैबाट मर्मतका लागी पहल हुन सकेको छैन ।
बिहान सबेरै देखी अबेर राती सम्म दैनिक जसो बेस्त भइरहने सुर्खेत रोडका कतिपय ठाउँहरु सवारी दुर्घटनाका हिसाबले अति जोखिमपुर्ण मानिन्छन ।
सवारी दुर्घटना न्युनिकरण र आउजाउमा सहजताका लागी रातीमा उज्यालो बनाई राख्न लाखौं रुपैंया खर्चिएर जडान गरिएका सौर्य बत्ति (सोलार) बिग्रीएर त्यसै ग्रिनबेल्डमा ठडिएका छन ।
दिनमा हेर्दा नेपालगंज शहर रातीमा पनि झलमल्ल हुन्छ, होला भनेर ठानिएता पनि केही सौर्य बत्ति (सोलार) बाहेक अधिकांश मर्मत गर्नु पर्ने अवस्थामा पुगेका छन ।
रातीमा सोलार बत्ति नबल्दा देशकै पुरानो, औद्योगिक शहर नेपालगंजका सडकमा आम सर्वसाधारण भने, अध्याँरो सडकमै आउजाउ गर्न बाध्यता बनेका छन ।
जमुनाह देखी राँझा चोक सम्म सौर्य बत्ति (सोलार) सगैं केही ठाउँमा ठुलो क्षमताको हाइमास्ट लाइट पनि जडान गरिएको छ । तर तिनै हाइमास्ट लाइट पनि कतिपय ठाउँमा बलेको देखिन्न ।
पुष्पलाल चोक देखी राँझा सम्म एक निजि कम्पनीले उपमहानगरपालिकालाई कर बुझाउने गरी १५ बर्षका लागी ४७ वटा सौर्य बत्ति (सोलार) जडान गरेको जानकारी प्राप्त भएको छ ।
यस क्षेत्रमा थप सौर्य बत्ति जडानको योजना छ ।
यही ठाउँमा वडाले पनि हाइमास्ट लाइट जडान गरेको उल्लेख छ । बाँकी अन्य सबै ठाउँमा नेपालगंज उपमहानगरपालिका आफैंले सौर्य बत्ति (सोलार) जडान गरेको हो ।
तर सौर्य बत्ति (सोलार) माथी गरिएको लगानी, सदुपयोगीता लगायत बारेमा यतिबेला नेपालगंज उपमहानगरपालिका आफै भने बेखबर बनेको छ ।
यससम्बन्धी विस्तृत विवरण पनि ब्यवस्थित रुपमा अभिलेखिकरण, अपडेट नभएको भेटिएको छ
