राष्ट्रियसभाका सांसदहरुको आज कोरोना परिक्षण गरिंदै, हिउँदे अधिवेशनको तयारी पूरा

  ।   २०७७ पुष १६, बिहीबार ०८:५३

काठमाडौं । राष्ट्रियसभाका सांसदहरुको बिहीबार (आज) कोरोना परिक्षण गरिंदैछ ।

शुक्रबारदेखि हिउँदे अधिवेशन सुरु हुने भएकोले बिहीबार सबै सांसदहरुको परिक्षण गर्न लागिएको राष्ट्रियसभाका अध्यक्ष गणेशप्रसाद तिमिल्सिनाले बताउनुभयो ।

यसैगरी अधिवेशनको लागि स्वास्थ्य सावधानीका मपादण्ड लगायत अन्य सबै तयारी पूरा भईसकेको तिमिल्सीनाको भनाई छ ।

यो अधिवेशन लामो समयसम्म लैजान नसकिने तिमिल्सीनाले बताउनुभयो ।

प्रतिनिधिसभा विघटन भएको अवस्थामा बिलहरु दुवै सदनबाट पास गरेर ऐन बन्ने अवस्था नरहेको भन्दै उहांले सरकारी बिजनेशविना अधिवेशन लामो समय लैजान नसकिने बताउनुभएको हो ।

अध्यक्ष तिमिल्सिनाले आवश्यक स्वास्थ्य सुरक्षा मापदण्ड र उच्च सतर्कता अपनाएर बैठकमा उपस्थित हुन राष्ट्रियसभाका सदस्यहरुलाई अपिल गर्नुभएको छ ।

Leave a Reply

Your email address will not be published. Required fields are marked *

Next Post

कांग्रेसले आज राष्ट्रिय एकता तथा मेलमिलाप दिवस मनाउँदै

२०७७ पुष १६, बिहीबार ०८:५३
काठमाडौं । नेपाली कांग्रेसले बिहीबार (आज) ‘राष्ट्रिय एकता तथा मेलमिलाप दिवस’ मनाउँदै छ । पार्टीका संस्थापक नेता बीपी कोइराला, गणेशमान सिंहलगायतका नेताहरु लामो निर्वासन अन्त्य गरी भारतबाट स्वदेश फर्किएको दिन पुस १६ गतेलाई हरेक वर्ष ‘राष्ट्रिय एकता तथा मेलमिलाप दिवस’का रुपमा मनाउने गरिन्छ । यसै सन्दर्भमा कांग्रेसले ७७ वटै जिल्लामा […]