माछो,जाल र मान्छ
पृय माछो
मान्छेको जालमा पर्छ
संयोगले
मुक्त भयो भने जालबाट
त्यो शान्त सरोवरमा डुल्नथालिहाल्छ
ऊ आनन्दको सागरमा
रम्न थालिहाल्छ
जालबाट मुकति
उसको पुनर्जीवन हो,उत्सव हो
फरक छ,मान्छे र माछामा
माछो मान्छेबाट जालमा पर्छ
र संयोगले मुक्त हुनसक्छ
तर मान्छे
त्यो सौभाग्य छैन
उसलाई
ऊ जन्मदै जालमा हुन्छ
हुर्कदै,बढ्दै जादा
यौवनको जालमा पर्छ
बुढेसकालमा त ऊ
लौकिक प्रपन्चको
महाजालमा हुन्छ
ऊ जालबाट मुक्त हुदैन
अनेक जालहरु
मोह,ममताका जालहरु
प्रेम बन्धनका जालहरु
मान्छेलाई पछ्याइरहन्छ्न
पछ्याइरहन्छन
ऊ अनायास जालबाट
त्यस दिन मात्र मुक्त हुन्छ
जुन दिन उसको
सकिन्छ जीवन लीला
जालबाट मुक्तिपछि
मान्छेले माछाझै
कुनै आनन्दको
अनुभूति गर्न सक्तैन
पुनर्जन्मको,उत्सवको
कुनै अनुभूति गर्नै सक्तैन ।
माछो,जाल र मान्छे
गुडन्यूज खबर
।
२०७७ भाद्र १, सोमबार १९:४८
