सिमकोट । जिल्ला अस्पताल हुम्लाले मङ्गलबार ३२ जनाको पीसिआर परिक्षणका लागी स्वाब सङ्कलन गरेको छ ।
कात्तिक २ गते स्वाब सङ्कलन गरी ४ गते पोजेटिभ देखिएका एक अनमी र तीन सशस्त्र प्रहरीसहित उनीहरुको सम्पर्कमा आएका गरेर ३२ जनाको स्वाब सुर्खेत पठाइएको हो ।
पोजेटिभ देखिएका चार जनासहित उनका सम्पर्कमा आएका स्वास्थ्यकर्मी र सशस्त्र प्रहरी, एक ड्राइभरको स्वाब आज (बुधबार) बिहान सुर्खेत पठाइएको जिल्ला अस्पतालका सूचना अधिकारी भक्ति फडेराले बताउनुभयो ।
हुम्लामा हालसम्म नौ जनामा कोरोना सङ्क्रमण देखिएको छ भने चारजना सक्रिय सङ्क्रमित रहेको सूचना अधिकारी फडेराको भनाइ छ । रासस
– फोटो फाइल
