बाँके । बाँके जिल्लामा कोभिड– १९ (कोरोना भाइरस) का सङ्क्रमितको सङ्ख्या दुई हजार ९९६ जना पुगेको छ । जिल्ला कोभिड–१९ संकट केन्द्र (डीसीसीएमसी) बाँकेका अनुसार सोमबार ६ जनामा सङ्क्रमण पुष्टि भएको हो ।
पछिल्लो २४ घण्टामा ६४ जनाको नमुना परीक्षण गरिएको डीसीसीएमसी बाँकेले जनाएको छ । त्यस्तै गएको २४ घण्टामा ३७ जना निको भएर फर्किएसँगै डिस्चार्ज हुनेको सङ्ख्या दुई हजार ६२२ पुगेको छ ।
अब बाँके जिल्लामा ३४४ जना सक्रिय सङ्क्रमित आइसोलेशनमा रहेका छन् । यस्तै कोरोना सङ्क्रमणबाट ज्यान गुमाउनेको सङ्ख्या ३० पुगेको स्वास्थ्य कार्यालय बाँकेका कोरोना फोकल पर्सन श्रेष्ठले जानकारी दिनुभयो ।
बाँकेमा कोरोना बिरामी निको हुनेदर ८७.५२ प्रतिशत, मृत्यु दर १.०० प्रतिशत र रोगको प्रकोप दर ०.५० प्रतिशत रहेको डीसीसीएमसी बाँकेले जनाएको छ ।
