राखेपका नवनियुक्त बोर्ड सदस्यहरूले लिए सपथ ग्रहण

  ।   २०७७ कार्तिक ३, सोमबार १७:१९

राष्ट्रिय खेलकुद परिषद् (राखेप) का नवनियुक्त बोर्ड सदस्यहरूले आज सपथ ग्रहण गरेका छन ।

राखेपका अध्यक्ष समेत रहनुभएका युवा तथा खेलकुद मन्त्री जगतबहादुर सुनार (विश्वकर्मा) ले नवनियुक्त ११ बोर्ड सदस्यलाई पद तथा गोपनीयताको सपथ ग्रहण गराउनुभयो ।

मन्त्रिपरिषद्को गत असोज २९ गतेको बैठकले हरि खड्का, मानदेव हजरा, पुरेन्द्रविक्रम लाखे, राजेश गुरुङ, मोहम्मद सागिर शेख, नन्दा बस्याल, एकेन्द्र कुँवर, चन्द्रबदना राई र सुमित्रा चौधरीलाई राखेपको सदस्यमा नियुक्त गरेको थियो ।

त्यस्तै मन्त्री विश्वकर्माले राष्ट्रिय खेलकुद संघको सिफारिसमा रेणुका श्रेष्ठ तथा सुवर्णाकेशरी श्रेष्ठलाई मनोनित गर्नुभएको थियो ।

कार्यक्रमलाई सम्बोधन गर्दै मन्त्री विश्वकर्माले नवनियुक्त सदस्यहरू कुनै न कुनै भूमिकामा खेल क्षेत्रसँग सम्बन्धित भएकाले खेल क्षेत्रले नयाँ उचाइ लिने विश्वास व्यक्त गर्दै नयाँ पुस्तालाई खेल क्षेत्रमा आकर्षित गर्न उनीहरूको योगदान महत्वपूर्ण हुने धारणा व्यक्त गर्नुभएको छ ।

सोही अवसरमा डिएन घिसिङद्वारा लिखित खेल जीत मनोविज्ञान पुस्तकको पनि मन्त्री विश्वकर्माले विमोचन गर्नुभएको छ ।

 

शपथपछि मन्त्री विश्वकर्माले राखेपका उपाध्यक्ष शिव कोइराला, सदस्य–सचिव रमेशकुमार सिलवाल लगायतका पदाधिकारीको उपस्थितिमा नवनियुक्त सदस्यहरुसँग छलफल गर्नुभएको थियो ।

सेतोपाटीबाट

Leave a Reply

Your email address will not be published. Required fields are marked *

Next Post

बिल अनुसार पत्रिकाले पाउने रकम भुक्तानी गरियोस

२०७७ कार्तिक ३, सोमबार १७:१९
लोक कल्याणकारी बिज्ञापन बापत पत्रिकाले पाउदै आएको रकम निकासा नभएपछि बाँकेका प्रकाशक, सम्पादक, संगठनहरुले भुक्तानीका लागी माग गरेका छन । प्रेस संगठन नेपाल बाँकेका संयोजक डक्ट धिताल, साप्ताहिक पाक्षिक संजाल बाँके अध्यक्ष अक्षरी पोखरेल, सचिव अजय कुमार गुप्ता, अवधि पत्रकार संघ नेपाल बाँके अध्यक्ष चन्द्रेश्वर राज त्रिपाठी लगायतले साउन महिनाको […]