नेपालगन्ज । बाँकेको नौवस्तामा रहेको बालसुधार गृहका बालबन्दीलाई विभिन्न सामग्रीहरु प्रदान गरिएको छ ।
बाँकेको बैजनाथ ३, गाभरस्थित नौवस्तामा रहेको बालसुधार गृहका बाल बिज्याईँकर्ताहरुलाई एड्भोकेसी फोरमले विभिन्न सामग्रीहरु प्रदान गरेको जिल्ला प्रशासन कार्यालय बाँकेका प्रमुख जिल्ला अधिकारी श्रवणकुमार पोखरलले जानकारी दिनुभयो ।
एडभोकेसी फोरमका संयोजक तथा अधिकारकर्मी बसन्त गौतमको संयोजनमा बालसुधार गृहमा रहेका ११५ जना बाल बिज्याईँकर्ताहरुलाई विभिन्न सामग्रीहरु वितरण गरिएको प्रजिअ पोखरेलले जानकारी दिनुभयो ।
जाडोबाट बच्नका लागि ओड्ने डबल ब्लयाङ्केट ७५ थान, ओच्छ्याउने पि–फर्म दुई रोल, क्यारेमबोर्ड दुई थान, फुटबल दुई थान, लुडो दुई थान, नेट एक थान, स्किपिङ्ग तीन र चेस तीन थान प्रजिअ पोखरलेलमार्फत् बालसुधार गृहका बालबन्दीलाई प्रदान गरिएको एड्भोकेसी फोरमका संयोजक बसन्त गौतमले जानकारी दिनुभयो ।
बैजनाथ ३, गाभरस्थित नौवस्तामा रहेको क्षेत्रीय कारागारभित्र रहेको बालसुधार गृहमा विभिन्न जिल्लाका ११५ जना बालबन्दीहरु रहेका छन् ।
