नेपालगन्ज : मानवता नेपालको साधारण सभा तथा अधिवेशनले मधुसूदन अधिकारीको नेतृत्वमा १३ सदस्यीय समितिलाई निर्वाचित गरेको छ । आज भएको प्रथम अधिबेशनबाट मधुसूदन अधिकारी अध्यक्ष पदमा सर्वसम्मत निर्वाचित हुनुभएको हो । नव निर्वाचित पदाधिकारीहरुमा उपाध्यक्ष पदमा सुमन गिरी श्रेष्ठ, सचिव पदमा के.पी. घिमिरे, सहसचिव पदमा इन्जिनियर नेत्र प्रसाद सापकोटा, कोषाध्यक्ष पदमा खुश्बु श्रीवास्तव सर्वसम्मत निर्वाचित हुनुभएको छ । सदस्य पदमा क्रमश नवीन शर्मा पौडेल, अब्दुल अजिज हलवाई, जित बहादुर बि.क. जयेश जङ्ग शाह , पञ्चम गुरुङ, कमला वली, सर्वसम्मत निर्वाचित हुनुभएको हो । १३ कार्यसमिति हुने उक्त संस्थामा २ दुईजना पछि मनोनीत गरिने बताइएको छ । हराएको मानवताको खोजी गर्ने उद्देश्यले स्थापना भएको संस्थाले विभिन्न सामाजिक कामहरु गरिरहेको संस्थाका संस्थापक अध्यक्ष तथा आजको कार्यक्रमका अध्यक्ष अम्बिका काफ्लेले बताउनुभयो ।नेपालगन्ज उपमहानगरपालिकाका कार्यवाहक मेयर कमरुद्दिन राईको प्रमुख आतिथ्यमा भएको कार्यक्रममा विभिन्न संस्थाका अध्यक्षहरुको उपस्थिति रहेको थियो । अध्यक्ष काफ्लेका अनुसार संस्थाले १८ भन्दा बढी बेवारिसे लासको सदगद,गरिबी सुत्केरी महिलाहरुलाई पौष्टिक आहार वितरण, कोभिड महामारीको समयमा माक्स वितरण, निशुल्क स्वास्थ्य शिविर लगायतका कार्यक्रम गरेको बताउनु भयो । संस्थाका सचिव कमल शाहीले सञ्चालन गरेको कार्यक्रममा महिला सञ्जाल बाँकेको निवर्तमान अध्यक्ष रेखा गुप्ता, बास नेपालको केन्द्रीय अध्यक्ष लुना बुढाथोकी, बासका कार्यकारी निर्देशक नमस्कार शाह, गैर सहकारी महासंघ बाँकेका सचिव आशिष गुप्ता, कानुन व्यवसायी लोकबहादुर शाह लगायतले शुभकामना मन्तव्य राख्नु भएको थियो । संस्थाले आफ्नो ४८ जना आजीवन सदस्यहरु बनाउन सफल रहेको सचिव शाहीले बताउनु भयो । आजीवन सदस्यहरुलाई प्रमाणपत्र प्रदान गरिएको थियोे । संस्थाले हालसम्म गरेका कामहरुको भिडियो डकुमेन्ट्री संस्थाको कोषाध्यक्ष सुमन गिरीले देखाउनु भएको थियो । खुल्ला सत्र सकिएपछि निर्वाचन मण्डल गठन गरि सर्वसम्मत तरिकाले पदाधिकारी तथा सदस्यहरुको टुंगोमा पुगेको नवनिर्वाचित अध्यक्ष मधुसूदन अधिकारीले बताउनु भयो । निर्वाचन मण्डल अधिकृतमा उच्च अदालत तुल्सीपुर इजलास नेपालगन्जका अधिकृत कुल बहादुर भण्डारी, सदस्यमा गैर सहकारी महासंघका सचिव आशिष गुप्ता रहेनु भएको थियो ।
Next Post
अभिभावकको रोजाईमा संस्कारिक स्कुल सोफिया
२०७९ चैत्र १५, बुधबार २२:१८
सम्बन्धित समाचार
-
२०८० जेष्ठ २१, आईतवार १२:५४
गर्मी बढेको भन्दै कोहलपुर क्षेत्रमा पनि विद्यालय बन्द गरिदै
-
२०८० माघ १२, शुक्रबार १०:०५
स्थानीय तहको प्रभावकारी कार्य सम्पादनले संघीयता बलियो बनाउँछः मन्त्री शर्मा
-
२०७७ फाल्गुन १७, सोमबार ०७:५७
सिजनको हिसाबले आजदेखि प्रि-मनसुन सुरु
-
२०७७ फाल्गुन ३, सोमबार ०७:५९
सरकार गठनको तीन वर्ष पूरा
-
२०८० भाद्र १२, मंगलवार ११:१२
जनवर्गीय संगठनको कार्यतालिका प्रस्तुत गर्दै माओवादी बाँके संयोजक नरेन्द्र
-
२०७९ पुष ४, सोमबार २१:१८
नेपाल ख्रीष्टियन समाज लुम्बिनी प्रदेशले मनायो ख्रीष्टमस शुभकामना आदानप्रदान कार्यक्रम