संवाददाता, नेपालगंज ।
बाल विवाह र यसका कानूनी प्रावधान तथा विद्यालयको बार्षिक योजनामा अतिरिक्त क्रियाकलापको सुनिश्चिता सम्बन्धि शिक्षकहरुलाई अभिमुखिकरण गराईएको छ ।
“बाल विवाह, चाँडै हुने विवाह तथा जबरजस्ती गरिने विवाह रोकथाम परियोजना” मार्फत बाँके युनेस्को क्लबले बाँसगढी नगरपालिकाको शिक्षा शाखा सँग समन्वय गरी नगरभित्रका सबै माध्यामिक बिद्यालयका शिक्षकहरुलाई अभिमुखिकरण गराएको हो ।
शिक्षकहरुको थप क्षमता विकास गरी सचेतना फैलाउन सहयोग गर्ने उद्देश्यका साथ अभिमुखिकरण कार्यक्रम आयोजना गरिएको बाँके युनेस्को क्लबका प्रमुख संरक्षक प्रवेज अलि सिद्दिकीले बताउनुभयो ।
यही फागुन ८ र ९ गते सञ्चालन गरिएको अभिमुखिकरण कार्यक्रममा बाँसगढी नगरपालिकाका नगरउपप्रमुख ईन्दिरा चौधरीको समेत उपस्थिती रहेको थियो ।
