बाँके क्षेत्र नं. २ (ख) बाट नेकपा माओवादी केन्द्रतर्फका उम्मेदवार अकल बहादुर बम जनतको रोजाइमा पर्न थाल्नु भएको छ । बमले एक भेटघाट कार्यक्रममा व्यवस्था बदलिए पनि अवस्था नबदलिएको बताउँदै अवस्था बदल्न माओवादी केन्द्रलाई जिताउनुपर्ने बताउनु भएको हो ।
जनताले माओवादी केन्द्रप्रति देखाएको आशा विश्वासलाई आफूहरूले सदैव सम्मान गर्ने बमको प्रतिबद्धता थियो ।
बाँके क्षेत्र नं. २ (ख) बाट नेकपा माओवादी केन्द्रबाट उम्मेदवार बन्नुभएका बमले मधेशका हजारौँ नागरिक अझै नागरिकताविहीन रहेको बताउँदै मधेशीहरूबाट डराएका शासकहरू उनीहरूलाई नागरिकताबाट वञ्चित बनाइरहेको बताए ।
नागरिकताविहीनहरूका लागि अझै संघर्ष गर्नुपर्ने उहाँको भनाइ थियो । बमले शोषित पीडित वर्गको आशा भरोसाको केन्द्र माओवादी केन्द्र मात्र रहेको दाबी समेत गर्नु भयो ।
