बाँके । सुगम जिल्लाको दुर्गम क्षेत्र भनेर चिनिने राप्ती सोनारी र नरैनापुरमा सबैभन्दा धेरै विकास गरेको युवा तथा खेलकुद मन्त्री महेश्वर गहतराज (अथक) र प्रदेश सभा सदस्य कृष्णा के.सी (नमुना) ले दावी गरेका गर्नुभएको छ ।
२०७४ सालको निर्वाचनमा बाँके क्षेत्र न. १ बाट संघिय सांसदमा जितेका महेश्वर अथक र प्रदेश सभा जितेका नमुनाले सबैभन्दा धेरै विकास गरेको दावी गर्नु भएको हो । आगामी मंसिर ४ गते हुने संघ र प्रदेशको निर्वाचनमा बाम लोकतान्त्रिक गठबन्धन बाट फेरी पनि पुरानै पदमा उम्मेदवारी दिनुभएका अथक र नमुनाले काम गर्ने विकास प्रेमी नेता भने पछि जनताले मत दिने दावा गर्नुभएको हो ।
मंगलबार नरैनापुर गाउँपालिकामा अगुवा नेता कार्यकर्ताहरुलाई सम्वोधन गर्दै मन्त्री अथकले भन्नुभयो, बाटो ल्याउने, बिजुली ल्याउने नेता फेरी पनि उठेका छन् भनेर मात्रै भने पुग्छ जनताले अत्यधिक मत दिन्छन् । मन्त्री अथकले आफुहरुले आफ्नो कार्यकालमा गरेको कामको प्रचार गर्न कार्यकर्ताहरुलाई निर्देशन दिदै आफुहरुको पालामा नरैनापुर र राप्ती सोनारीको गुणात्मक विकास भएको उल्लेख गर्नु भयो । थुप्रै बाधा अड्चन र विपक्षिहरु संगको ठुलो जोखिम मोलेर मुद्धा मामिला झेलेर नरैनापुर र राप्ती सोनारीको ४ वटा वडामा वत्ती बाल्न सफल भएको मन्त्री अथकको कथन थियो । प्रदेश सभा सदस्यकी उम्मेदवार नमुनाले नरैनापुरमा घमण्डका साथ जनता माझ भन्न मिल्ने, हुलाकी राजमार्ग निर्माण, विद्युत विस्तार,पुर्वि नहर विस्तार , शिक्षा क्षेत्रमा बृहत योजना, शिक्षा हाँसिल गर्ने किशोरीलाई साईकल वितरण, घर घरमा चुल्हो ग्याँसको व्यवस्था लगायतको उल्लेख्य कार्य गरेको बताईन । 
कार्यकर्ताहरुलाई निर्देशन दिदै सबै कार्यकर्ता यतिबेला आफु उम्मेदवार भएर जनताको घर घरमा माओवादी र नमुना अथकले गरेको काम बारे प्रचार गर्न नमुनाले आग्रह गर्नुभयो । उहाँले सबै एक मन भएर लगौं फेरी पनि एक कार्यकालमा नरैनापुर र राप्ती सोनारी लगायत क्षेत्र न. १ मा विकास गरेर देखाउने छौं उहाँको भनाई थियो । मंगलबार नरैनापुर गा.पाको १ देखि ६ न. वडाको विभिन्न स्थानमा गठबन्धन अन्तर्गत माओवादी र काँग्रेसका नेता कार्यकर्ताहरु संग अथक र नमुनाले भेटघाट गर्नु भएको थियो ।
विकास गर्ने नेता अथक-नमूना
गुडन्यूज खबर
।
२०७९ कार्तिक २, बुधबार ०८:०६
