संवाददाता, काठमाडौं ।
नेपालमा हरवा चरवा, मुक्त हलिया र मुक्त कमैयाको हक, अधिकारका क्षेत्रमा क्रियाशिल तीन वटा समूहका संञ्जालहरु एक ठाउँमा गोलबद्ध भएका छन ।
कृषि बाँधा श्रमिकका साझा समस्याहरुको समाधान, परापूर्व कालदेखी हुदै आएको अन्यायलाई अन्त्य गर्न साझा आन्दोलनको शंखघोष गर्नुपर्ने आवाश्यकता महसुस गरी राष्ट्रिय कृषि बधुवा मजदुर संघर्ष समिति गठन गरि छरिएर रहेका समूह, संञ्जालहरु एक ठाउँमा गोलबद्ध भएका हुन ।
नव गठित राष्ट्रिय वंधुवा कृषि मजदुर संघर्ष समितिको अगुवाईमा आज मुक्त हलिया, मुक्त कमैया र हरवा चरवाको माग सम्बोधन गराउन भन्दै राष्ट्रिय मानवअधिकार आयोग मार्फत नेपाल सरकारलाई ध्यानाकर्षण पत्र समेत बुझाईएको छ ।
मुक्त हलिया र मुक्त कमैयाको लगतमा नै वास्तविक मान्छे छुटेकाले एक पटकका लागि लगत लिन र हरवा चरवाको पहिचान सहित मुक्तिका लागि अब संयुक्त रुपमा संघर्ष गरिने राष्ट्रिय मुक्त हलिया समाज महासंघ नेपालका सचिव प्रसाद नेपालीले जानकारी दिनुभयो ।
- के छन्, माग ध्यानाकर्षण पत्रमा हेर्नुहोस ।
#हरवा_चरवा_हलिया_कमैया
