संवाददाता, नेपालगंज ।
बर्दियाको गुलरिया नगरपालिकाका नगर उपप्रमुख शुशिला गिरी, वडा नम्बर ६ का वडा अध्यक्ष निरज शर्मा सहितका नेपाली काग्रेंसका केही नेता, कार्यकर्ताहरु नेकपा एमालेमा प्रवेश गरेका छन ।
आज गुलरियामा आयोजित एक समारोहका बीच गिरी सहितका नेता, कार्यकर्ताहरुलाई नेकपा एमाले पार्टीमा फुलमाला लगाई स्वागत गरिएको हो ।
यता बाँकेमा माधव नेपाल नेतृत्वको नेकपा एकीकृत समाजवादी पार्टीका जिल्ला उपसचिव तथा लुम्बिनी प्रदेश अध्यक्ष किशोर थापा, डुडुवाका महिला नेता सरोज कुमारी यादव पनि नेकपा एमालेमा प्रवेश गर्नुभएको छ ।
नेकपा एमालेका अध्यक्ष तथा पूर्व प्रधानमन्त्री केपी शर्मा ओली बाँके, बर्दिया पुगेकै दिन वहालवाला नगरउपप्रमुख एमालेमा प्रवेश गर्नुलाई गुलरियामा बिशेष चासोका साथ हेरिएको छ । (फोटो सामाजिक संञ्जाल फेसबुकबाट)
अपडेट…
#एमाले #गुलरिया #काग्रेंस
