नेपालगन्ज । कोहलपुर शिक्षण अस्पतालमा उपचाररत कोरोना संक्रमित एक ७० बर्षिय महिलाको उपचारका क्रममा मृत्यु भएको छ । मृतक महिला नेपालगन्ज उपमहानगरपालिका वडा नं. ७ निवासी हुनुहुन्छ ।
दुबै फोक्सोमा निमोनिया भएको महिला भदौ ३ गते शिक्षण अस्पताल नेपालगन्जमा भर्ना हुनुभयो । नेपालगन्जमा स्वास्थ्य अवस्था बिग्रदै गएपछि भदौ ६ गते राती १० बजे कोहलपुर रिफर गरिएको फोकल पर्शन नरेश श्रेष्ठले जारी गरेको प्रेस नोटमा उल्लेख गरिएको छ ।
भदौ ५ गते स्वाब जाचगराउदा कोरोना पोजेटिभ पुष्टि भएको थियो । उपचारका क्रममा स्वास्थ्य अवस्था बिग्रदै गएर भदौ ११ गते आज बिहान १० बजेर ३० मिनेटमा मृत्यु भएको फोकल पर्शन श्रेष्ठले जारी गरेको प्रेस नोटमा उल्लेख गरिएको छ ।
