जोखिममै खोला वारपार गर्छन्, विद्यार्थी

  ।   २०७८ आश्विन १७, आईतवार १३:५५

संवाददाता, बर्दिया

अमर शहिद दशरथ चन्द माबि खैरेनी बर्दियाका करिब २ सय विद्यार्थी जोखिमपुर्ण तरिकाले खोला पार गरी पढ्न आउनु पर्ने बाध्यता रहेको पाईएको छ । पानी परेका दिन कति बेला के हुन्छ, ठेगानै हुदैन ।

विद्यालयका प्रधानाध्यापक भिमलाल रिजालले खोला र सर्पको डसाईबारे दैनिक कक्षामा विद्यार्थीलाई सिकाई रहेपनि जोखिमको डर नहटेको जानकारी दिनुभयो ।

उहाँका अनुसार खोला तरेर बारबर्दिया नगरपालिका अन्र्तगतको ढकेला गाउँ र बाँसगढी नगरपालिका ९ अन्र्तगतको थुमनी गाउँका कक्षा ६ भन्दा माथिल्लो कक्षामा पढ्ने विद्यार्थीहरु आउने गर्छन ।

ढकेला र थुमनी गाउँमा कक्षा ५ सम्म पढाई हुने एक/एक वटा विद्यालय छन । तर पनि केही सानो कक्षाका विद्यार्थी यता नजिक पर्ने भनी अमर शहिद दशरथ चन्द माबि खैरेनी, बारबर्दियामा आउने गरेका छन ।

यहाँ अहिले करिब ५ सय विद्यार्थी अध्ययरत छन भने कक्षा १० सम्म पढाई हुन्छ ।

केही दिनअघि सोही क्षेत्रमा पुगेका एक युवाले विद्यार्थीहरु खोला तरदै गरेको फोटो खिचेर सामाजिक संञ्जाल फेसबुकमा अपलोड गरिदिए पछि त्यस क्षेत्रको बारेमा सामाजिक संञ्जालमा अहिले निकै चर्चा भएको छ ।

त्यतिकै फोटो सेयर पनि भएको छ । बाँसगढी नगरपालिका २ का राज थारुले आफूहरुको सामाजिक अभियान अन्र्तगत त्यहाँको फोटोलाई कैद गरी साथीहरुले सेयर गरेको र, संम्बन्धित सरोकारवालाहरुको ध्यानाकर्षण होस भन्ने आफुहरुको चाहाना रहेको बताउनुभयो ।

राज थारुले आफु बास, नेपाल बाँसगढी शाखा र युवा संञ्जाल सँग आवाद्ध रहेको पनि जानकारी गराउनुभयो ।

 

#विद्यार्थी  #खोला

 

Facebook Notice for EU! You need to login to view and post FB Comments!

Next Post

अँगालोको न्यायोपना, घामको तापको प्रभाव खोज्ने वैज्ञानिकले जिते २०२१ को नोबेल पुरस्कार

२०७८ आश्विन १७, आईतवार १३:५५
संवाददाता । हाम्रो शरीरले कसरी घामको न्यानो वा माया गर्ने मानिसको अँगालोको न्यानोपना महसुस गर्छ भनेर पत्ता लगाउने वैज्ञानिकहरूले चिकित्सा विज्ञानको नोबेल पुरस्कार जितेका छन । अमेरिकी डेभिड जुलियस र आर्डेम पाटापौटियनले शरिरले मानव स्पर्श र तापक्रम महसुस गर्ने प्रक्रियामा गरेको कार्यका लागि सन् २०२१ को लागि नोबेल पुरस्कार जित्नुभएको […]