काठमाडौं । आज संविधान दिवस । संविधानसभाबाट नेपालमा नयाँ संविधान जारी भएको ६ वर्ष पुगेको छ । २०७२ साल असोज ३ गते तत्कालिन प्रधानमन्त्री सुशिल कोईरालाको पालाका नेपालले नयाँ संविधान पाएको हो ।
दक्षिणको छिमेकी भारतको प्रत्यक्ष असहमति र नेपालकै मधेश केन्द्रित दलहरुको विरोधका बिच मुख्य तिन दल कांग्रेस एमाले र माओवादीको नेतृत्वमा मुलुकमा जनताबाट लेखिएको संविधान जारी भएको थियो ।
त्यसयता हरेक वर्ष असोज ३ गतेलाई संविधान दिवस अर्थात राष्ट्रिय दिवसको रुपमा मनाउँदै आईएको छ । तर मधेशकेन्द्रीत दलहरुको असन्तुष्टी अmभैसम्म संवोधन हुन सकेको छैन । मुख्य राजनीतिक दलहरुले मेधशवादी दलका अडानलाई आ आफ्नो स्वार्थ अनुसार प्रयोग गर्दै आएका छन् ।
स्वयं मधेशवादी दलहरु पनि सत्तामा नपुग्दा मात्रै यी मुद्दा उठाउने गरेका छन् । नयाँ संविधान जारी भएको ६ वर्ष बित्न नपाउँदै यसप्रति असन्तुष्टी पनि बढ्न थालेको छ । संविधानमा उल्लेखित मौलिक हकहरु कागजमा मात्रै सिमित भएका छन् ।
केन्द्र सरकार सकेसम्म सबै अधिकार सिंहदरवारभित्रै राख्न चाहन्छ । परिणामस्वरुप प्रदेश सरकार नाम मात्रैका कागजी हात्ति बनेका छन् । अधिकारसम्पन्न स्थानिय तहमा विकृती र विसंगती बढ्दै गएको छ । संविधान जारी भएपछिको पहिलो निर्वचित संसद दुई पटक विघटनको असफल प्रयास भईसकेको छ ।
