बाँके । प्रेस संगठन बाँके कार्यसमिति सदस्य पत्रकार मोविनुद्धिन सिद्धिकीको अल्प आयुमै निधन भएको छ । उच्च रक्तचापको कारण हृदयघात भएर नेपालगन्ज मेडिकल कलेजमा आइतबार साझ ६:३० बजे निधन भएको पारिवारिक स्रोतले जनाएको हो ।
पत्रकार महासंघ बाँकेका साधारण सदस्य समेत रहनुभएका स्वर्गीय सिद्धिकीका एक छोरा र एक छोरी रहेका छन् । आफन्तलाई भेट्न रुपैडिहा पुग्नु भएका स्वर्गीय सिद्धिकी एक्कासि बिरामी भएको स्रोतले जनाएको छ । अस्पताल ल्याएको आधा घण्टा भित्र पत्रकार सिद्धिकीको निधन भएको युथ टुडे न्युजका सम्पादक आलम खानले बताउनु भयो । खानले भन्नु भयो” भोलि उहाँ संग बसेर चिया खाने कुरो थियो । तर के गर्नु थाहा नै नदिइ चटक्कै छोडेर जानु भयो ।”
पत्रकार सिद्धिकीले पुर्याएको योगदानलाई सम्झिदै प्रेस संगठन बाँकेका संयोजक सामाजिक संजाल फेसबुकमा रुदै समवेदना ब्यक्त गर्नु भएको छ । संयोजक धितालले भन्नुभयो,” सबै क्षेत्रमा सहयोग गर्ने सकारात्मक सदस्यको मृत्युले संगठनलाई अपुर्णनिय क्षति भएको छ ।” पत्रकार सिद्धिकी प्रति सामाजिक संजाल फेसबुकमा श्रद्धाञ्जली दिनेहरुको लहर देखिएको छ ।
युथ टुडे न्युज डटकमका कार्यकारी सम्पादक समेत रहुनु भएका सिद्धिकी मिहिनेती र पौरखी व्यक्ती थिए । नेपालगन्ज -१ धम्बोझी निवासी पत्रकार सिद्धिकीका एक छोरा, एक छोरी र श्रीमती छन् ।
