नेपालगन्ज । आगामी वैशाख १० गतेभित्र सम्पन्न गर्ने निर्णय गरेको छ।
पार्टी केन्द्रीय कार्य व्यवस्था समितिको आजको बैठकले वैशाख २५ देखि २८ गतेसम्म काठमाडौँमा हुने महाधिवेशनलाई दृष्टिगत गर्दै उक्त निर्णय गरेको केन्द्रीय सचिवालय प्रमुख ध्रुवबहादुर प्रधानले बताउनुभयो ।
बैठकले स्थानीय तह परिषद् तथा केन्द्रीय निर्वाचन समिति निर्देशिका पारित गरेको छ।
निर्देशिकामा जिल्ला निर्वाचन समितिको गठन फागनु २५ गतेभित्र गरिसक्ने तथा सक्रिय सदस्यता वितरण अभियानलाई चैत १५ सम्म म्याद थप गर्ने उल्लेख छ।
वडादेखि जिल्ला तहसम्मका इकाई समितिको गठन यही चैत मसान्तसम्ममा गरिसक्ने पनि उल्लेख छ।
समायोजन गर्न बाँकी केही जिल्लाको सात दिनभित्र समायोजन गर्न नेता बुद्धिमान तामाङ, विक्रम पाण्डे, ध्रवबहादुर प्रधान र भास्कर भद्रालाई जिम्मेवारी दिइएको पार्टीले जारी गरेको विज्ञप्तिमा उल्लेख छ।
यस्तै राप्रपा नेता मोहन श्रेष्ठका अनुसार बाँकी रहेको समायोजन एक साताभित्रै सकिनेछ। केही दिनभित्रमा प्रदेश प्रमुखहरू तोक्ने पनि उनले जानकारी दिनुभयो।
