बाँके । भेरी अस्पताल नेपालगंजको पीसीआर प्रयोगशालामा पछिल्लो २४ घण्टामा गरिएको ८५ नमुनाको परीक्षणमा १३ जनामा कोरोना पोजिटिभ पुष्टि भएको छ ।
सोमबार दिउँसो तीन बजे अस्पतालले जारी गरेको सूचना अनुसार बर्दियाका ९ जना, बाँके, दाङ, जाजरकोट र आर्मी अस्पतालका एक÷एक जना रहेका छन् ।
प्रयोगशालामा प्राप्त ५१ हजार पाँच सय ८५ जनाको स्वाब नमुना जाँच कार्य सकिएको छ ।
जाँच गरिएका नमुना मध्ये चार हजार नौँ सय ६९ वटा नमुनामा कोरोना पुष्टि भएको अस्पतालद्वारा जारी सुचनामा उल्लेख गरिएको छ ।
