संवाददाता, नेपालगंज ।
नेपाल राष्ट्र बैंकले राष्ट्रिय जनावर गाईको चित्र अङ्कित ‘मेडालियन सिक्का’ सार्वजनिक गरेको छ । सिक्का गभर्नर महाप्रसाद अधिकारीले एक कार्यक्रमका बीच सार्वजनिक गर्नुभएको हो ।
जसमा १० ग्राम र २५ ग्रामका दुई किसिमका चाँदीका मेडालियन सिक्का टकमरी गरी विक्री शुरु पनि गरिएको हो । १० ग्राम सिक्काको रु १,६०० र २५ ग्राम सिक्काको रु ४,००० मूल्य निर्धारण गरिएको छ ।
बैंकसँग मौज्दात रहेको चाँदीलाई गलान गरी मेडालियन सिक्का टकमरी गरिएको हो । दुवै सिक्कामा ९९९ टचको चाँदीको प्रयोग गरिएको छ । दर उल्लेख नगरी निष्कासन गरिएको सिक्कालाई मेडालियन भनिन्छ ।
