नेपालगन्ज । तुलसीपुर उपमहानगरपालिका-९ स्टार बोर्डिंङ चोकस्थित सडकमा लु.२ ख ५९१८ नम्बरको गाडीले रा. १ ह ४४५९ नम्बरको अटोलाई आइतबार बिहान ठक्कर दिँदा अटो सवार तुलसीपुर उपमहानगरपालिका -९ का १३ वर्षीय दामोदर भण्डारीको मृत्यु भएको छ । दुर्घटनामा गम्भीर घाइते भएका उहाँको राप्ती प्रादेशिक अस्पताल तुलसीपुरमा उपचारको क्रममा मृत्यु भएको अस्पताल स्रोतले जनाएको छ ।
दुर्घटनामा घाइते भएका अन्य ४ मध्ये २ जनाको सोही अस्पतालमा उपचार भइरहेको र १ जनालाई थप उपचारको लागि नेपालन्ज मेडिकल कलेज रिफर गरिएको अस्पताल स्रोतले जनाएको छ। भने १ जना उपचार पश्चातमा डिस्चार्ज हुनुभएको छ । गाडीका चालक र सह चालकलाई प्रहरीले नियन्त्रणमा लिएको प्रहरीले बताएको छ ।
